Startseite

Vorwort

Lektionen

weitere Texte,
auch für Kinder


Wörterbuch

Grammatik

Bekannte Wörter

Plattdeutsche Ecken

Lippische Lieder

Erinnerungen an Joseph Plaut

Lippische Sprüche

Autoren

Links

Impressum
und Datenschutz

 

 „Fründskop“
Ein Sketch von Werner Zahn

für 1 Lehrer/in und 8 Schüler/innen
Lehrerin, Larissa, Amelie, Tatjana, Niels, Max, Hevin, Lisa und Annalisa

Lehrerin:
„Geon Morn, Kinners!“
Alle:
„Geon Morn Frau Cutu!“
Lehrerin:
„Gistern was Sunndag, niu vertellt müi doch mol, wat jüi seo gistern maket hätt, Larissa fang diu mol an!“
Larissa:
„Eck häbbe met müinen Öllern eunen Iutflug maket, oll in´ner Uchte sin wüi lausgangen, twees dür dat Holte teon grauten Herm.“
Lehrerin:
„Un diu Amelie?“.
Amelie:
„Eck was met müinen Öllern in´n Tichelei Museum in Loge.“
Niels:
„Eck hadde eun Feotballspell, iuse Minikicker iut Doiern tiegen de Kicker van Iusendörp.“
Max: „Jau, eck was auk dabüi un klor, dat wüi gewunnen hätt, niejen teo sesse!“
Hevin:
„Gistern was müin Wüijendag un do worn auk Lisa un Annalisa inladen wesen.“
(zeigt auf die beiden)
Lisa:
„Dat was eun scheuner Nomiddag, et gaff Pickert, dreu Stück häbbe eck eten!“
AnnalisaD
„Jo un dänn wör wüi biuten teon domeln, häbben öber auk scheune Bleomen för Hevins Mame plücket.“
Lehrerin:
„Un niu teoleste diu Tatjana!“
Tatjana:
„Eck häbbe teo Wüihnachten eun Smartphone krüiget un domet häbbe eck gistern spellt. Et was eun geiler, krasser Dag.“
Lehrerin:
„Seo, seo, dat Thema vandage es „Fründskop“, vertellt müi doch örst eunmol, wovelle Frünne jüi hätt.“
Larissa:
„Jo, eck häbbe tweu bäste Frünninnen un dann nau füiwe geoe Früninnen.“
Amelie:
„Eck sin jümmer met vöre Frünnen teohaupe, wüi dameln un dowen, öbber wüi lern´n auk teohaupe.“
Niels:
„Müin bäster Fründ es Max, wüil wüi beude jo auk in´n sülven Vereun spellen.”
Max:
„Niels see et oll, heu es auk müin bäster Fründ, doteo nau tweu annere iut iuse Parallelklassen.“
Lehrerin:
„Un dänn sin do jo nau Annalisa, Lisa un Hevin, eck läuwe, do weut eck oll Bescheud.“
Annalisa, Lisa und Hevin zusammen:
„Wüi sin de bästen Fründinnen up dösser Welt!“
Tatjana    (stolz):
„Eck häbbe tweuhunnertdreuunfifftig Frünne büi Facebook.”
Amelie   (traurig):
„Eck kruige seo´n Smartphone örst teo müinen twäften Waijendag, müine Mamme sächt jümmer, dat in seo´n Smartphone auk Gefohren liuern, de lütte Kinner nau nich recht seuhn können.“
Larissa:
„Müine Öllern söjjen dat auk, un dat seo´n Smartphone düht dur es.“
Lehrerin:
„Eck läuwe, dat de Öllern do auk Rächt häbben un in iuse Grundscheolen es dorümme auk dat Smartphone verboon. Un Tatjana löffst diu, dat düine tweununnertdreuunfifftig Frünne wörklick rechte Frünne sin?“
Tatjana:
„Up jeuden Fall, för jeudes Bild van müi krüige eck jümmer minnstens vertig „Likes“, dobüi auk velle Herten.“
Lehrerin:
„No dänn schrüibet doch mol os Hiusupgowe bät morn eune Geschichte: „Müin scheunster Dag met müinen Frünnen. Un niu ab no Hiuse met jück!“
(Alle packen ihre Sachen und verlassen eilig die Bühne, Tatjana  bleibt zurück und weint.)
Lehrerin:
„Tatjana, wat es dänn laus met düi?.
Tatjana:   (traurig)
„Eck kann de Hiusupgowe nich maken, eck häbbe öberhiupt keune rechten Frünne mar!“
 
 


Sketch anhören hier
Text zum Ausdruck

hier

Text zum Ausdruck Hochdeutsch hier