Startseite
Vorwort
Lektionen
weitere Texte,
auch für Kinder
Wörterbuch
Grammatik
Bekannte Wörter
Plattdeutsche Ecken
Lippische Lieder
Erinnerungen an Joseph Plaut
Lippische Sprüche
Autoren
Links
Impressum
und Datenschutz
Plattdeutsche Ecken 2018
Zurück zur Übersicht
De Niederwauld
Frohr gaff et auk in´n Lippsken ollerwegen den Niederwauld, in den de Bäume no 15 bät 25 Johrn kappt worchten. De Wochelstöcke konn´n wier iutschlon; blauß Bäume un Struiker, de dat iuthaulen, seo os Hässel, Haboiken, Linn´n, Esken un Mäppel konn´n do öwwerdiuern. Seo eun Niederwauld word in Schlege updeilt un jeudet Johr word euner affholt´t. Bui eunen Ümmedrüiv van 20 Johrn moßte de Wauld in 20 Schlege updeilt wern – eunner för jeudet Johr. De Örste word in´n örsten Johr affholt´t, de Tweute in´n tweuten Johr un seo foider, bät man in´n eununtwintigsten Johr wier büin örsten Schläch ankommen was. Seo hät dat oll de Römer maket un in Duitskland hät et bät int 20. Johrhunnert düsse Wauldform giewen. Öbber worümme den ganße Ambrast? Doför gaff et mahre Gründe: De Niederwauldwertschaft bringt in korter Tüit grauten Holterdrag un frohr word ja vell Holt fört Brännholt un Glümkerholt (Holzkohle) briuket. Dat Holt iut den Eukenniederwauld word för Lauhbeuze för de Lauhgerwarüjje briuket. Seo eunen aulen Eukenniederwauld gifft et vandage nau an´n Rinnenberg büi Exterdal-Bremke. In´n Wienniederwauld sind de Reon för de Korfflechtarüjje schnien worn. Iuterden word dat Lauw un de Streu oss Fewwer un Instreu fört Veuh iut den Wauld haalt un dat Veuh teon freten in´n Niederwauld driewen. Vandage wärt düsse Wauldform os sältenet Kulturelikt hegt, domet iuse Kinner auk nau wat dovan häbben.
Eure Sabine